Al tragheto del muniçipio

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Umberto Spanio ― Un toco de vita veneziana

Al tragheto del muniçipio

1890

Edission original:	Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890
Fonte:	Indice:Un toco de vita veneziana, Venezia, Antonelli, 1890.pdf

← L'imbriago

Edission e fonte ▼

Sonadori soto l'albergo in Canalasso →

[p. 19 modifica]

AL TRAGHETO DEL MUNIÇIPIO

Che palazzo star quelo? — Star Farseti
     E questo Loredan. (Ciò, che pandolo!)
     Sta i mi boni paroni (maledeti!)
     El Muliçipio. — ('mpare, fastu nolo?) —

(Magari!) Qua 'l gondiol, pochi bezeti,
     Gabiamo el tendain, andiamo al molo;
     (Nai, nai, el xe abonato ai vaporeti;
     Sto fiol d'un can, cossa che 'l tira el colo!) —

Per dove Santo Stefano? — Par là;
     Comandela che andiamo col gondiol?
     (El par sordo) — (L'è proprio un desparà). —

Montela? — (Varte, varte che no 'l pol) —
     Gabiamo 'l tendain — (Ti perdi 'l fià
     No 'l ga paura, no, colù del sol) —