Pagina:Un toco de vita veneziana, Venezia, Antonelli, 1890.pdf/21

Sta pagina la xe stà trascrita, ma la gà ancora da vegner rileta.

AL TRAGHETO DEL MUNIÇIPIO

Che palazzo star quelo? — Star Farseti
     E questo Loredan. (Ciò, che pandolo!)
     Sta i mi boni paroni (maledeti!)
     El Muliçipio. — ('mpare, fastu nolo?) —

(Magari!) Qua 'l gondiol, pochi bezeti,
     Gabiamo el tendain, andiamo al molo;
     (Nai, nai, el xe abonato ai vaporeti;
     Sto fiol d'un can, cossa che 'l tira el colo!) —

Per dove Santo Stefano? — Par là;
     Comandela che andiamo col gondiol?
     (El par sordo) — (L'è proprio un desparà). —

Montela? — (Varte, varte che no 'l pol) —
     Gabiamo 'l tendain — (Ti perdi 'l fià
     No 'l ga paura, no, colù del sol) —