Aiutatelo

by anonimo

3 Mi sarave curiosissimo anonimo 21 lujo 1848 XIX Poesie Indice:La gloriosa epopea.djvu

Canto patriotico scrito durante l'insuression de Venexia contro i Austriaci del 1848-49 (N.d.R.)

Anonimo

Mi sarave curiosissimo

21 lujo 1848

Edission original:	La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886
Fonte:	Indice:La gloriosa epopea.djvu

Edission e fonte ▼

Canto patriotico scrito durante l'insuression de Venexia contro i Austriaci del 1848-49 (N.d.R.)

AIUTATELO

Mi sarave curiosissimo
    De saver cossa che fa
    Serta zente che formigola
    4In sta povara cità.

Serta zente alquanto equivoca
    Che no fa gnissun mestier;
    O lo fa, ma i xe politichi
    8De no farvelo saver.

Serta zente profumada
    Dai caveli sin ai piè,
    Che xe sempre stravacada
    12Soto le procuratie;

Che ga sempre atorno un bossolo
    Che xe ozioso e sitibondo
    De sentir da quei oracoli
    16Le notizie de sto mondo;

Al qual lori fa i dotori
    De falope e falsità,
    E se spazza per autori
    20De la nostra libertà.

Mi voria proprio conosserli,
    Dal più più picolo al più grosso;
    E vorave farghe i pulesi
    24Se podesse... ma... no posso.

21 Luglio.

Dal giornaletto di Venezia

Sior Antonio Rioba.