Adesso e dopo
|
Edission original: |
Maria Pezzè Pascolato, Versi Veneziani, Milano, 1928 |
|
Fonte: |
| ← Prima e adesso | Edission e fonte ▼ | San Marco → |
.jpg)
Da che so’ anda via soldà!
Se criava ogni momento:
— Cossa? i schei no ga bastà!
— Co sti fioi sempre d’atorno
Gnanca un ponto posso dar!
— E mi strussio tuto el zorno
Per sentir po a brontolar!
Ah, ma adesso ti lavori
Per i fioi e anca per mi;
I putei xe do tesori,
E che i seguita cussì!
Ti me scrivi e mi te scrivo
Tuto quelo che go in cuor...
Ah, se torno a casa vivo,
Tornaremo a far l’'amor.
Nina mia, che cambiamento
Co la guera finirà!
Mi sarò sempre contento,
Sempre alegra ti sarà.
Da ste angosse, da sti orori
Go imparà quelo che val
E la pase de do cuori
E la pase universal.