Pagina:Pascolato - Versi Veneziani, Milano, 1928.pdf/20

ADESSO E DOPO.

N

ina mia, che cambiamento

     Da che so’ anda via soldà!
     Se criava ogni momento:
     — Cossa? i schei no ga bastà!

— Co sti fioi sempre d’atorno
     Gnanca un ponto posso dar!
     — E mi strussio tuto el zorno
     Per sentir po a brontolar!

Ah, ma adesso ti lavori
     Per i fioi e anca per mi;
     I putei xe do tesori,
     E che i seguita cussì!

Ti me scrivi e mi te scrivo
     Tuto quelo che go in cuor...
     Ah, se torno a casa vivo,
     Tornaremo a far l’'amor.

Nina mia, che cambiamento
     Co la guera finirà!
     Mi sarò sempre contento,
     Sempre alegra ti sarà.

Da ste angosse, da sti orori
     Go imparà quelo che val
     E la pase de do cuori
     E la pase universal.