A i asili

by Berto Barbarani

3 A i asili I due canzonieri I due canzonieri/Libro I - El rosario del cor Primavere La pita Berto Barbarani 1895 XIX Soneti veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro I - El rosario del cor

A i asili

1895

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  Primavere

Edission e fonte ▼

La pita  →

A I ASILI.

     El primo giorno che i m'ha messo a scola,
g'aveva i oci che i parea grondai,¹
par davanti parava² una cariola
e strapegava³ par de drio un tranvai.

     'Pena drento un maestro co i ociai
el m'ha tirado arente a la so tola;
'na puteleta me faseva «ciai»
co le manine impastrocià⁴ de cola.

     Po i m'ha dato una bela caregheta,
mi no voleva e i m'à supiado⁵ el naso,
e so 'ndà a rente a quela puteleta.

     Émo discorso un poco... Ela, poarina,
la s'à tirado su par darme un baso
e mi g'o messo in boca una faolina!⁶

---

Note

1. grondai: gronde
2. parava: spingeva
3. strapegava: trascinava
4. impastrocià: impastricciate
5. supiado: soffiato
6. faolina: piccola fava.