A Venezia (Maria Pezzè Pascolato)
|
Edission original: |
Maria Pezzè Pascolato, Versi Veneziani, Milano, 1928 |
|
Fonte: |
| ← Mar nostro | Edission e fonte ▼ |
.jpg)
Degno del to silenzio e de la to maestà,
No ’l lodarìa, no, la note de luna che imbianca i to marmi,
L’ombra dei to canali, le case rosse in t’el sol.
Voria che ’l gavesse la vose de l'organo, quando che 'l chiama
Tuti i Santi a San Marco, dai so musaici d’oro.
(I cuori nostri risponde co bele promesse, e i sospira;
Po come i ori i se stua a pena che a monte va el sol).
Voria de le onde l’ansar e l'impeto de la tempesta:
Tropo ti te desmenteghi, Venezia mia, del to mar!
Co da la cofa s’ha visto la morte una volta levarse
Livida sora la spiuma, altra la vita ne par.
In t’el mar del tempo voria pescarte quei ochi più puri,
No le grandezze, i splendori, le glorie del passà;
Più in fondi, più in fondi in t'i secoli cercar dei to rusteghi vechi
L’anima: darte quei ochi e quela onesta virtù.
Ben misurava i to vechi la morte al valor de la vita,
Ma a la vita de tuti, a la to vita, Venezia.
Cossa xe mai la passion, la vita, la morte de uno?
Cossa xe un’onda, o Venezia, o Italia, in confronto del mar?
.jpg)