A Nerina
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← XVI. I re senza testa | Edission e fonte ▼ | XVIII. Sol e piova → |
XVII.
A NERINA
Te torno el to ritrato; a far efeto
Co' qualche altro balordo el servirà.
Drio ti ga scrito: Co' sincero afeto,
Dàghelo con egual sincerità.
La dona ch'el so amor prova coi fati,
Ofre magari dodese ritrati.
Ti, viceversa, ti pol dir: Consolo
Dodese amanti co' un ritrato solo.