Wikisource:Pagina prinsipale/Vetrina

1

Anton Maria Lamberti, La biondina in gondoleta

Anton Maria Lamberti
(1757 - 1832)

“	La Biondina in gondoleta L’altra sera gò menà, Dal piacer la povereta La s’à in bota indormenzà. La dormiva su sto brazzo, Mi ogni tanto la svegiava; Ma la barca che ninava La tornava a indormenzar.	„
và vanti a lèzar...

Francesco Dall’Ongaro
(1808 - 1873)

“	Te recordistu, Nina, quei ani Che ti geri el mio solo pensier? Che tormenti, che rabie, che afani, Mai un’ora de vero piacer! Per fortuna quel tempo xe andà!... — Che pecà! — No vedeva che per i to ochi, No gaveva altro ben che el to ben... Che scempiezzi! Che gusti batochi! Oh! ma adesso so tor quel che vien; No me scaldo po tanto el figà! — Che pecà! —	„
và vanti a lèzar...

Francesco Gritti, El Brigliadoro, Favola Chinese

Francesco Gritti
(1740 - 1811)

“	Turun-tun-tun - Turun tun-tun. Tase el tamburo, e le porte de fero De l’ultimo cortil co rauco susto Sora i polesi zeme e se spalanca. Come a Venezia, spente Dal siroco autunal l’onde del golfo Rumando avanza, e rive e campi alaga, Dai borghi più lontani Dense turbe de popolo Da curiosa inquietudine comosse, Traversando le strade de Pekin, Barbotandose in rechia Voci de compassion e de sorpresa, Che ’l rispeto o ’l timor ghe smozza in gola Entra, se spande e la gran piazza afola.	„
và vanti a lèzar...

Giorgio Baffo, Co me vien un pensier fazzo un Sonetto

Giorgio Baffo
(1694 - 1768)

“	Co me vien un pensier fazzo un Sonetto, E ’l fazzo in Venezian, come son nato, Siben, che sò, che ghe xe più d’un mato, Che me condanna, perchè parlo schietto	„
và vanti a lèzar...

Carlo Goldoni, Sior Todero brontolon

Carlo Goldoni
(1707 - 1793)

“	TODERO: Nissun fa gnente in sta casa. Mio fio xe un alocco; le donne no gh’ha giudizio. Se no fusse quel bon galantomo de sior Desiderio, poveretto vu. Son vecchio; certe fadighe no le posso più far; gramo mi, se nol fusse elo; el xe un omo attento, el xe un omo fedel, el xe nato in tel paese dove che son nato anca mi; el xe anca, alla lontana, un pochettin mio parente; avanti che mora, lo voggio beneficar. Ma no voggio miga, per beneficarlo elo, privarme mi: che son vecchio, xe vero, ma posso viver ancora dei anni assae; ghe n’è dei altri che xe arrivai ai cento e quindese, ai cento e vinti, e no se sa i negozi come che i possa andar. Troverò ben mi la maniera de beneficarlo senza darghe un bezzo del mio. Velo qua. No vôi per altro che el creda che gh’abbia bisogno de elo, no vôi che el se insuperbissa. Lo voggio beneficar; ma vôi che el laora, e che el se sfadiga.	„
và vanti a lèzar...

Berto Barbarani, Quà, dove l’Adese

Berto Barbarani
(1872 - 1945)

“	Quà, dove l’Adese, sensa fermarse rompe nei ponti la so canson, stao atento ai versi che pol negarse, li tiro a riva, col me baston... Li tegno al suto, li meto al caldo parchè i renvegna, che i ciapa fià, li mando a spasso sul Montebaldo che li fa degni de sta çità.	„
và vanti a lèzar...

Lodovico Pastò (1746 - 1806), El Vin Friularo

“	Fra tante bele cosse Che natura al mortal dispensa e dona, La prima, la magior, la più ecelente, Che no la cede a gnente, E che superba va per ogni logo, Perchè tuti la vol, tuti la brama, Onorada da tuti Qual celeste regalo soprafin, Che ’l cuor uman consola, Son certo, nè m’ingano, la xe ’l vin: Sì, xe ’l vin quel dolce netare, Che consola, che dileta, Quela zogia predileta, Che brilante fa ogni cuor.	„
và vanti a lèzar...

Eugenio Genero (1875 - 1947), Venezia mia

“	Quando, Venezia mia, su le to case, una gloria de sol xe sparpagnada, lassime dir, se’l paragon te piase, che ti me par na tosa spensierada. Che ti me par; quando ti dormi in pase dai basi de la luna inarzentada, in mezo l’aqua del to mar che tase, la poesia che sogna inamorada.	„
và vanti a lèzar...

Gian Giacomo Mazzolà, I cavei de Nina, soneto VI

“	Quei cavei biondi co quel brio baron Parte desfati, o in Coa de drio portai, E parte per el fronte sparpagnai, Go sempre avanti a l'imaginazion. Per quei perso ò 'l giudizio e la rason; Quei soli i ladri del mio cuor xe stai, D'Amor per quei son tornà ai primi guai, Per quei de novo presoniero son. Inchiodà quela Coa go ne la mente, Me par che tuto in Coa se me trasforma, E sempre e sempre, Coa, te go presente. Cavei vedo co' magno, sempre quei Go al fianco co' camino, e benchè dorma, De quei me insogno. Oh dio! Cavei, Cavei!	„
và vanti a lèzar...

Pietro Buratti (1772/73 - 1832), La barchetta

“	La note xe bela, Fa presto, Nineta, Andemo in barcheta I freschi a chiapar. Che gusto contarsela Soleti in Laguna, E al chiaro de Luna Sentirse a vogar!	„
và vanti a lèzar...

Maffio Venier (1550 - 1586), La Strazzosa

“	Amor, vivemo con la gata e i stizzi In t’una Cà a pe pian, (E no vedo però che ti t’agrizzi) Dove le lume e ’l pan Sta tuti in t’un, la roca, i drapi e ’l vin, La vechia e le fassine, I puti e le galine, E mezo el cavezzal sot’el camin; Dove, tacà a un anzin G’è in modo de trofeo La farsora; la scufia, e la graela, Do’ candele de seo, Un cesto e la sportela, E ’l leto è fato d’alega e de stopa, Tanto avalìo che i pulesi s’intopa.	„
và vanti a lèzar...

Ruzante, Dialogo primo; Parlamento de Ruzante che iera vegnù de campo

Angelo Beolco dito el Ruzante
(1496 ca. - 1542)

“	Càncaro a la roba. A son chialò mi a la segura, e squase che a no cherzo esserghe gnian. S’a m’insuniasse? La sarae ben de porco. A sé ben ch’a no m’insunio. Poh, no songie montò in barca a Lizafusina? A son stò pur a Santa Maria d’un bel Fantin a desfar el me vò. Se mi mo a no foesse mi, e che a foesse stò amazò in campo, e che a foesse el me spirito? La sarae ben bela. No, càncaro, spiriti no magna.	„
và vanti a lèzar...

Giglio Padovan, Rime in dialetto veneto di Polifemo Acca

Giglio Padovan
(1836 - 1895)

“	Quel moro, scarmo, co la barba intiera, Dal naso grego e dal color de cera, Che sa predir la piova e la tempesta Avendo sempre qualche rana in testa. Quel giazzà che va sempre in soratuto, Che parla a meza vose o fa da muto; Che schiva i ziri d’aria e ga paura Ch’una mosca lo spenza in sepoltura; Che fila in un caligo sempiterno E ga fredo l’istà, caldo l’inverno. Conosserlo voleu più da vicin? Lezè quatro fazzae del so tacuin.	„
và vanti a lèzar...

Sto numaro qua el deve corispondere al numaro de testi in vetrina: 13