Voria... ma no posso!

by Gino Cucchetti

3 Spiere de sol! Spiere de Sol! III. EL TO' QUADRETO V. CO' TI NEL CUOR! Gino Cucchetti 1905 XX Poesie

Indice:Spiere de Sol.djvu

Gino Cucchetti ―  Spiere de Sol!

Spiere de sol!

1905

Edission original:	Gino Cucchetti, Spiere de Sol!, Roma, Tipografia Elzeviriana, 1905
Fonte:	Indice:Spiere de Sol.djvu

←  III. EL TO' QUADRETO

Edission e fonte ▼

V. CO' TI NEL CUOR!  →

IV.
VORIA... MA NO POSSO!

 
Xe passai tanti mesi, din de dia,
e ti si sempre, sempre quela tosa,
quei di' che se vedemo, mi voria
4parlar come se parla a una morosa;

Voria dirte che in sen, quà sepelia
per ti mi tegno una passion furiosa,
voria dirte che insin l'anema mia
8co' no te vedo, xe perfin rabiosa.

Tute ste robe, se gavesse el fià,
te voria confidar, ma qua stà el mal:
11co' mi scominzio... resto là impalà;

Resto impalà come se fusse in croçe,
come un muto de quei de l'ospeal,
14voria parlarte... e no ghe n'ò la voçe!