Vedova

by Augusto Levi

4 Vedova Augusto Levi XX Soneti triestin

Indice:Trieste vernacola.djvu

Augusto Levi

Vedova

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

VEDOVA.

Che dolor! che dolor! Che disgraziada!
No la se pol calmar, la fa pietà!
La pianzi come mata, disperada,
El marì ghe xe morto un'ora fa.

Giovine ancora, vedova restada,
Sola in sto mondo cossa la farà?
De lu la iera proprio inamorada,
Tuta la vita la lo pianzarà.

— Via, la se calmi, dài,¹ iera destin... —
La conforta cussì una vedovela
Vistida in luto, ultimo figurin.

— Calma? mai più! sarò sempre in sto stato...
E guardando l'amica: — Ma che bela!
Sto vestito che sarta ghe ga fato? —

---

Note

1. dài! via! suvvia! orsù!