Una bela ragazza da mario

by Jacopo Vincenzo Foscarini

4 Una bela ragazza da mario Soneti in dialeto venezian Per guadagnarme el pan son barcariol Corpo de Bajamonte! premi sù Jacopo Vincenzo Foscarini 1825 XIX Soneti

Indice:Soneti in dialeto venezian.djvu

Jacopo Vincenzo Foscarini ―  Soneti in dialeto venezian

Una bela ragazza da mario

1825

Edission original:	Jacopo Vincenzo Foscarini, Soneti in dialeto venezian de Giacomo Vicenzo Foscarini patrizio veneto, Padova, 1825
Fonte:	Indice:Soneti in dialeto venezian.djvu

←  Per guadagnarme el pan son barcariol

Edission e fonte ▼

Corpo de Bajamonte! premi sù  →

Una bela ragazza da mario,
    De quele tagiae zoso a la carlona,
    La ghe dixeva un dì a só siora nona:
    4Mo via, no la me vegna sempre a drio.
Gala paura che me buta in rio,
    O che de andar mi sola no sia bona?
    La me creda, sò far, sò far da dona,
    8Cognosso quanto ela el fato mio.
Giusto per questo sala, siora sprota,
    Vòi starghe arente, perchè xè le pute
    11Tante pignate, ma de tera cota;
E se le casca, siele bele o brute,
    Le canta dopo da pignata rota,
    14E sta desgrazia nasse quasi a tute.