Per guadagnarme el pan son barcariol

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 10 modifica]

Per guadagnarme el pan son barcariol,
    Ma sò anca mi qualcossa de creanza;
    Chè, benchè nato sia povero fiol,
    4Mio pare m'à insegnà la bona usanza.
El me diseva: Dona da faziol
    Saluda, se ti vol, in vicinanza;
    Ma dona da zendà, più che ti pol,
    8Cerca de saludarla in lontananza.
Per cossa, pare, un dì gò domandao,
    Che fassa me insegneu sta distinzion?
    11Prima serio un pocheto el m'à vardao,
Pò el m'à risposto: Vustu parer bon,
    E in fin dei conti no restar burlao?
    14Stà arente a quei della tó condizion.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Per_guadagnarme_el_pan_son_barcariol&oldid=47912"