Un matrimonio feliçe

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XXII. Un matrimonio feliçe
(a mio fratello Gino)
1892

 Edission original:   

Attilio SarfattiLe Rime Veneziane e Il Minuetto, Milano, Fratelli Treves Editori, 1892

 Fonte:

Indice:Le Rime Veneziane e Il Minuetto.djvu

←  XXI. Primavera e aurora Edission e fonte ▼ XXIII. A Paulo Fambri  →
[p. 101 modifica]
XXII.


UN MATRIMONIO FELIÇE

(A MIO FRATELLO GINO)

1


Nela caseta bela e ben fornìa
Come tortore in nìo piene d'amor,
Vive i sposi noveli in armonìa,
E passa el tempo ma no invecia el cuor.

El mondo intiero xe quela caseta
Benedeta dal sol picola quieta.

Fra nove mesi un caro bambinelo
Farà l'amor più alegro, el sol più belo.

[p. 102 modifica]


2

El fantolin che i sposi in un momento
De santa contentezza ga sognà,
Cresse de zorno in zorno e più contento
Quel tempieto d'amor più belo fa.

Oh quanta pase in quele tre crature!
No gh'è per lori lagreme o paure,

No gh'è per lori gnente altro che amor,
E passa el tempo ma no invecia el cuor.

3

La mama se lo arleva, e lu a la mama
Ghe parla coi ocieti e co' le man.
Che alegrìa, che alegrìa, co la lo ciama,
Per mostrarghe el papà che xe lontan.

Passa el tempo e l'amor xe sempre quelo,
Deventa grando e forte el bel putelo.

El fantolin de un dì xe ormai marìo,
E i do vecieti par tortore in nìo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Un_matrimonio_feliçe&oldid=43056"