Tre soneti

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Tre soneti
in dialeto venezian
15 aprile 1848
Edission e fonte ▼
Canto patriotico scrito durante l'insuression de Venexia contro i Austriaci del 1848-49, vegnù fora a firma de "El vecio barcariol", probabile pseudonimo de Jacopo Vincenzo Foscarini (N.d.R.)
[p. 95 modifica]
TRE SONETI

IN DIALETO VENEZIAN

I.


Fradei per carità pensemo al serio,
    A monte le question, i dispareri,
    Fidemose del nostro Ministerio
    4E a chi toca lassemoghe i poderi.

Se più no semo schiavi de l'Imperio,
    Se no gavemo più paroni austeri,
    No stemo a secondar el desiderio
    8De viver senza fren superbi e fieri.

Ascoltemo la lege, el bon consegio,
    La prudenza, la savia disciplina,
    11Operemo, ma sempre per el megio.

Altrimenti la patria va in rovina,
    E podarà tornar l'Aulico e el Regio
    14A portarne la Forca e la Berlina.

II.


Semo tuti soldai! sonè el tamburo,
    Presto el fusil che me lo meta in spala,
    No son più schiavo, più no stago duro
    4Retore d'una porta negra e zala.

[p. 96 modifica]


Viva San Marco ancuo con cuor sicuro
    Lo posso dir, e viva Italia in gala
    Vestia de tre colori, e viva el puro
    8De Patria amor che libaro se esala.

Pio Nono, Tomaseo, Manin, fradei,
    Citadini, quà tuti che ve basa,
    11Eco i vostri ritrati, ah! sì sè quei!

Viva la Libertà.... ma stando a casa
    Vechio, mal san, confuso co i putei,
    14Bisogna che senta sospira e tasa.

III.


Dunque no podarò vestir mai più
    La divisa del forte, del soldà,
    Perchè me xe sparìa la zoventù,
    4Perchè se crede che me manca el fià?

Se po in cuor gavarò co la virtù
    L'amor de Patria, e de la Libertà
    L'odio potente de la schiavitù
    8Che ose e forza ancora me darà;

Perchè se impedirà che possa star
    Armà con tuti, e no se vorà dir
    11Che adesso qualche cossa posso far?

Alfin, perchè se me vorà impedir
    Che bon esempio a i altri possa dar
    14Nel soldà tra le file col morir?

15 Aprile.
El Vecio Barcariol.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Tre_soneti&oldid=46801"