Tognoto e la Morte

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Tognoto e la Morte
XVIII secolo
Edission e fonte ▼
Altra edizion: Tognoto e la Morte (edizion Casti 1834)
[p. 53 modifica]
TOGNOTO E LA MORTE


Tornava dal bosco
     Coi fassi sul colo
     Tognoto, ma solo,
     Ansando; sustando;
     5Strussià come un can.
Beato, el diseva,
     Chi voga in galìa;
     Che vita bu... e via!
     Me strazzo, me mazzo,
     10Po... a capo doman.
Me trema le gambe,
     Sta carga me struca,
     Ò spanto la zuca,
     Nè posso che a un fosso
     15Stuarme la sè;
Se arivo po a casa
     Un leto de pagia,
     Sie fioli che sbragia,
     La Lucia me crucia,
     20So mi po perchè!
El prete me aspeta
     Ch'el vol el quartese,

[p. 54 modifica]

     Me cresse le spese,
     I stenti, i tormenti...
     25No trovo pietà.
Oh Morte, delizia
     Dei più desperai,
     Finissi i mi guai...
     Un baso, e po taso...
     30Via, cara, vien qua.
E in tera rabioso
     Tognoto, a sto passo,
     Precipita el fasso,
     La morte più forte
     35Tornando a chiamar.
La morte mo in quelo,
     A falce guada,
     Traversa la strada;
     Che vite romite
     40L'andava a oselar.
La sente chiamarse,
     La gh'è za davanti:
     Son qua senza guanti,
     La dise, raise,
     45Me vustu co ti?
Tognoto, che vede
     Quel'orida schizza,
     No go tanta pizza:
     Raise, el ghe dise,
     50Me cargo, bon dì.