Ti la vedi, Cate mia

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Ti la vedi, Cate mia

 Edission original:   

Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817

 Fonte:

Indice:Collezione delle migliori opere scritte in dialetto veneziano 8.djvu

Edission e fonte ▼
[p. 35 modifica]

CANZONETTA

PER MUSICA


Ti la vedi, Cate mia,
     Se son degno de pietà!
     Tiro i ochi, e paro proprio
     4Da le strighe zupegà;
I zenochi me fa giacomo,
     Son ridoto un bacalà!
     M'astu tolto per quel Ercole
     8Che gaveva tanto fià?
Te recordistu, Catina,
     Quando a ti me son tacà?
     Aborisso, ti m'à dito,
     12Quel che xe bestialità;
Mi son tuta sentimento,
     Vogio un cuor per mì formà,
     Lo vòi paro come un spechio
     16Da l'amor divinizà;
Vogio prove, no vòi chiacole,
     Ma le vòi de fedeltà;
     Gnanca un baso a tradimento
     20Nessun omo m'à scrocà;

[p. 36 modifica]

Sarò toa, te lo prometo,
     Ma te vogio ben provà...
     Cate mia, t'intendo adesso
     24De che prove ti à parlà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ti_la_vedi,_Cate_mia&oldid=42980"