Tempesta

by Antonio Negri

3 Tempesta In gondoleta. Barcarole e rime veneziane La vèntola Xe passà el tempo Antonio Negri 1895 XIX Poesie

Indice:In gondoleta.pdf

Antonio Negri ―  In gondoleta. Barcarole e rime veneziane

Tempesta

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  La vèntola

Edission e fonte ▼

Xe passà el tempo  →

TEMPESTA

---

Sul mar furioso, ne la note oribile,
                    Fisćia, tremendo, el vento;
La note nera dentro a tute l'aneme
                    4Porta el più gran spavento.

Par che la ziga^[1] nel so tristo strepito
                    Le angosse de chi mor;^[2]
Par che la conta^[3] quante grame vitime
                    8Fa 'l mar co' 'l xe in furor.

Quante famegie, quanta zente palida
                    Speta che sia finio
'Sto oror de tempo, che dispera le aneme
                    12Che se rifugia in Dio!...

Doman tornarà 'l sol nel çielo limpido,
                    El mar se quietarà,
Ma pescaori a le so' case povare
                    16Doman ne tornarà.

Doman el sol confermarà a dei orfani
                    La sentenza crudel
Che 'l vento ne la note, co 'l so' spasemo
                    20Ga urlà via per el çiel.

Almanco^[4] el sol scondendose drio nuvole
                    No amarizasse^[5] el luto,
Ma l'ironia de sto destin oribile
                    24Fa torturar co tuto!...

1. ziga = gridi.
2. le angosse de chi mor = le angoscia dei morenti.
3. conta = racconti.
4. almanco = almeno.
5. amarizasse = amareggiasse.