Sulla tassa detta i Campadeghi

by Angelo Maria Labia

4 Sulla tassa detta i Campadeghi Angelo Maria Labia XVIII Soneti

Indice:Collezione delle migliori opere scritte in dialetto veneziano 10.djvu

Angelo Maria Labia

Sulla tassa detta i Campadeghi

XVIII secolo

Edission original:	Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 10.djvu

Edission e fonte ▼

SULLA TASSA DETTA I CAMPADEGHI

Ghe xe chi no pol far la costruzion
     Del come vegna spesso decretà
     Campadeghi da i Savj, co se sa
     4Che anch’eli à da pagar sta imposizion.

Xe de fede in la nostra Religion,
     Che i tre Re Magi Erode i à cogionà,
     Quando per aliam viam Dio gh’à ispirà
     8Che i ritornasse ne le so’ region.

Se questo xe un articolo de fede,
     Quelo, per Dio, no xe una bagatèla
     11Che in fato de Campadeghi se vede:

I Savj, co i li paga, i la fa bela,
     Perchè per aliam viam sempre sucede
     14Che i se li fa tornar in la scarsela.