Sul Carso

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 137 modifica]
SUL CARSO


’N antra vitoria, e ’n antro sbalso avanti
     Sul Carso, semenado de canoni!
     I presoneri jè otomila e tanti...
     Coi so’ uffissiai, cariasi e munissioni...

San Marco, che l’è un santo dei più santi,
     I nostri de brincarlo jè stà boni;
     De Trieste, che ormai no i gh’è distanti,
     Con 'n'antra bota,1 i se farà paroni!

0! Quel giorno, che feste! che bordei!
     Che alegro sventolar dei tri colori!
     Avaremo salvà nostri fradei,

E vendicado i nostri eroi più forti!
     In Camposanto portaremo fiori
     A le pierete dei soldadi morti!...



Note
  1. ’n'antra bota ― un’altra azione.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Sul_Carso&oldid=71784"