Son venezian, e son un pantalon

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 8 modifica]

Son venezian, e son un pantalon
    De bon umor, ma de giudizio san;
    E parlo schieto, e al pan ghe digo pan,
    4E gò cuor generoso e da lion.
Soldà, patrizio, galantomo son,
    Poeta, ma de quei che canta al pian;
    Nato, arlevà sempre da bon cristian,
    8Ma senza machia de superstizion.
Gera un sior, ma i parenti m’à magnà;
    Dio ghel perdona! e basta: onde dirò,
    11Senza rossor, che son quasi spiantà.
Ma son de quei che pol viver del só,
    Senza andar a cercar la carità,
    14O dar el cuor e l’inteleto a prò.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Son_venezian,_e_son_un_pantalon&oldid=47943"