Sinquantina

by Attilio Turco

3 Sinquantina Sonetti Veronesi Sonetti Veronesi/Parte III - Verona La crosse Sonetti Veronesi/Parte IV - El mondo Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte III - Verona

Sinquantina

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  La crosse

Edission e fonte ▼

Parte IV - El mondo  →

SINQUANTINA!

Sinquantina,¹ che strassa de velada!
     Ci ghe l’à intorno se la tien par lu:
     Coi mostaci² e la barba impatinada
     El serca un poco de tegnerse su.

El serca de andar drito par la strada,
     Ma le putele no ghe crede più...
     Sinquantina, te si la gran sonada,
     Te si ’l tramonto de la gioventù!

A far 'na corsa no te gh’è più fià,
     A far na scala te va zo 'l polmon...
     No te stè ben d’inverno e nè d’istà.

Par serte cose... no te si più bon
     E qualche volta, se la te va drita,
     L’è assè che no te vegna... el mal de vita.

---

Note

1. Sinquantina ― cinquant’anni;
2. mostaci ― mustacchi.