Se paonizzava in specchio un dì Isabella

by Giorgio Baffo

3 Se paonizzava in specchio un dì Isabella Raccolta universale delle opere di Giorgio Baffo Tomo I Dame la Mona. Oh! Dio, zà vegno drento Che bella cosa, se la Clementina Giorgio Baffo 1789 XVIII

soneti

Giorgio Baffo ―  Raccolta universale delle opere di Giorgio Baffo  ―  Tomo I

Se paonizzava in specchio un dì Isabella

1789

Edission original:	Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789
Fonte:	Indice:Raccolta universale delle opere di Giorgio Baffo 1.djvu

←  Dame la Mona. Oh! Dio, zà vegno drento

Edission e fonte ▼

Che bella cosa, se la Clementina  →

NON VAL BELTÀ SENZA LA MONA

SONETTO

Se paonizzava in specchio un dì Isabella,
    Disendo, el mio moroso mi lo scuso,
    Se 'l me vuol ben, e 'l me lo para suso,
    4Perchè, per dir el vero, mi son bella.

Xe salta sù la Mona so sorella,
    E gà dito; ti credi sia 'l to muso
    Quello, che l'innamora? El xe 'l mio buso,
    8Voggio dir, stà mia cara bagatella;

Varda, che adesso mi te svolo via,
    Ti vederà, co vien el to moroso,
    11Se 'l te varderà più 'na buzza-e-via.

In fatti l'è vegnù tutto voggioso,
    E co nol gà trovà la Descusìa,
    14El Culo el gà voltà tutto furioso.

                Sto accidente curioso
Fa veder, che per bella sia la Dona,
17Gnente la val, co no la gà la Mona.