Se fa l'amor

by Berto Barbarani

3 Se fa l'amor I due canzonieri I due canzonieri/Libro I - El rosario del cor La pita El ritrato Berto Barbarani 1895 XIX Soneti veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro I - El rosario del cor

Se fa l'amor

1895

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  La pita

Edission e fonte ▼

El ritrato  →

SE FA L'AMOR.

     L'amor l'è mato come la farfala,
la farfala che va de quà e de là,
intorno ai lumi de una bela sala,
’rente a le çéste e ai banchi del marcà...

     Se fa l'amor sul pato de la scala,¹
su le banchete fora de çità,
col cor in carneval, che bala e bala
col naso in aria e la boca tirà.

     Se fa l'amor, col colo voltà in suso,
de soto a un pontesel² che ne fa el muso,
se fa l'amor parlandose da un buso.³

     Sora el sofà, magnandose co i oci,
le man in man, la testa su i zenoci,
verdi de voja come du fenoci!

---

Note

1. pato de la scala: pianerottolo
2. pontesel: poggiuolo
3. buso: buco.