Ritrato del Sig. N.N.

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

Ritrato del Sig. N.N.

1822

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

[p. 33 modifica]

RITRATO DEL SIG. N. N.

SONETO.

Nè picolo, nè grando; ma ben fato,
     Belo no son; ma no son gnanca bruto,
     Son calvo un pochetin, ma paro un puto,
     4Sibèn xe qualche aneto, che son nato.

Cole done ale volte fazzo el mato,
     E coi omeni son piutosto muto;
     Ma, se parlo pocheto, son acuto,
     8E onestamente furbo quanto un gato,

El mondo go zirà, e lo conosso,
     Fazzo l'agente, el fazzo con onor,
     11E posso dirlo senza vegnir rosso;

Ma quel, che ve farà forse stupor,
     E che de dirve tralassar no posso,
     14Co vedo un buzolà ghe lasso el cuor.