Risposta di Cupido
|
Edission original: |
Poeti antichi del dialetto veneziano, Volume I: Poesie di diversi autori antichi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
| ← Contro Cupido | Edission e fonte ▼ | A Cupido → |
Te so dir, che ti m'à ben del merloto,
Ti xe ben a la fè de quei minchioni,
Ti no ti vol che traza veretoni,
4E ti credi de darme un sol sberloto?
Mi te farò a la fè ben restar groto,
Farò sì che a man zonte in zenochioni
Ti me domanderà mile perdoni,
8Ma de perdon no ghe sarà ceroto.
Vogio far che ti crepi da martelo,
Da la passion de qualche bel viseto,
11E che no ti abi un'ochiada mai da elo;
Ti no sa' ben, murion, che bote peto
Quando son scorozzao con questo e quelo;
14Ti no sa' co' so far co' me ghe meto;
Te vòi co sto mio archeto
E col pi tristo dei mii veretoni
17Farte cagar d'angossa in t'i calzoni.