Relogio fermo
|
Edission original: |
Antonio Negri, In gondoleta, Barcarole e rime veneziane, Milano, Carlo Aliprandi, 1895 |
|
Fonte: |
| ← Otobrada | Edission e fonte ▼ | Neve → |
Se ga fermà el relogio là in saleta;
A le sete e tre quarti el s'à fermà;
A l'alegro tic-tac no dava reta:
4Desso, tasendo, che tristezza el fa!
Quel sôn pareva farme compagnia:
Quanta, senza de lu, malinconia!
Quel sôn me dava vita e bon umor,
8Tic e tac el bateva col mio cuor.
'Desso, co sto silenzio, me par squasi
D'essar solo, soleto, abandonà;
E me par sia sta i ultimi quei basi
12Che za tempo, Nineta, ti m'à dà.
Su i to' lavri ghe gera, sa, Nineta,
Quel tristo fredo che ghe xe in saleta!
Pareva el fogo del to amor stuà....2
16Come el relogio, in peto el cuor fermà!...