Puntini... scuri
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← V. CO' TI NEL CUOR! | Edission e fonte ▼ | Disposizion feroviarie! → |
VI
PUNTINI... SCURI.
PUNTINI... SCURI.
Quando ch'el di xe là per inscurir,
col sol ga za' finio de tramontar,
mi me par qualche volta de sentir
4una voçe che in cuor me fa strussiar;
Me par che alora la me vogia dir
che del mio ben no ti te vol curar,
che no ti me vorà mai più sentir,
8ne mai più vedar, ne mai più vardar.
In quei momenti de malinconia,
co' sento de dover tanto penar
11mi a pianzar desperà me metaria;
E adazio, adazio mi voria morir,
lontan da tuti, in faza del mio mar,
14quando ch'el di xe là per inscurir...
Primavera '900