Proximus tuus!
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← XXX. Co sarò morto, fa come Didone | Edission e fonte ▼ | XXXII. La regata → |
XXXI.
PROXIMUS TUUS!
(A LUIGI DELLA TORRE)
1
Ne tortura e ne brusa el sol d'istà,
Ma el bisogno ne sforza a lavorar.
Dopo aver sfadigà, sgobà, strussià,
De fame i nostri fioi sentimo urlar.
E ancora e sempre per aver del pan,
Fa el contadin el so mistier da can.
Dì e note, note e dì sempre el lavora,
Ma la fame lo aspeta e lo divora.
2
Le nostre done e i fioi magri e amalai
Patisse el fredo e sta senza magnar.
Oh quanto megio no esser nati mai,
Che penàr sempre e védar a penàr!
E ancora e sempre per aver del pan
Fa el contadin el so mistier da can.
Dì e note, note e dì sempre el lavora,
Ma la fame lo aspeta e lo divora.