Pro Hominibus
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← Terra Santa | Edission e fonte ▼ | Viçinato delizioso → |
Pro hominibus
In general, se 'l tema de un discorso,
fato tra done, el vien cascar sui omeni,
povaro sesso mio! L'omo xe un orso,
l'è un cuor da can, 'na tigre, un bogia, un barbaro
che no conosse cossa sia 'l rimorso;
lu cazzador, lu un mostro, un vero satiro
che va a ciuciarve el sangue a sorso a sorso
par po lassarle là ridote a scheletro.
Darghe razon completa, oh Dio, me par
che da mi stesso me daria la morte,
e ghe farave un torto al sesso forte.
In parte ghe saria da radegar:
Ma diseme, mo, vu mie cocolone,
senza sti mostri, ghe sarave done?