Presentimento
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
PRESENTIMENTO.
Go avù un presentimento quela sera
Dandote un baso, prima de partir;
Sui labri tui, bagnai de pianto, iera
Come segnà col fogo el tuo sofrir:
«Che no dovessi più veder quel viso
E no sentir mai più la sua parola?
Che nel tornar a casa, straco e sbriso,1
Gavessi de trovar mia mama sola?...»
Cussì xe stado!... Col pensier te sento,
Ma solo col pensier, vizin de mi!....
Quela sera, papà, el presentimento
De la tua fin, ti lo ga 'vù anche ti?
- Note
- ↑ sbriso, male in arnese, misero.