Per ricuperata salute della N.D. Benzon

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Pietro Buratti

Per ricuperata salute della N.D. Marina Benzon

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

[p. 47 modifica]

PER RICUPERATA SALUTE

DELLA N. D.

MARINA BENZON

Fra tanti mazzeti
     Che ancuo da ogni banda
     Famosi poeti
     4A gara te manda,
No far che 'l to naso,
     Marina, se scanza
     Se 'l mio del Parnaso
     8No ga la fragranza.
Apolo lunatico
     Più volte m'à dito:
     A un bogia mal pratico
     12No averso sto sito;
El mio zardineto
     No xe per colori
     Che in basso dialeto
     16Me tossega i fiori.
Ma in barba del mato
     Che mola ste slape,
     De i fiori me cato
     20Fra i granzi e le cape,

[p. 48 modifica]

E tanto l'azardo
     Curioso me par,
     Che 'l mazzo bastardo
     24Go cuor de donar.
Via donca de nò
     No dirme, se ancuo
     Te fazzo un cadò
     28Che sa da paluo;
No cerco de un vaso,
     Marina, l'onor,
     Più assae che al to naso
     32Vòi zonzerte al cuor.
Vòi dirte, che 'l mio,
     No so quanti dì,
     Xe sta ingritolìo,
     36Mia cara, per ti;
Che un boto el me dava
     De tenero afeto
     Se mai me incontrava
     40Col to Vetoreto;
Che salti qua drento
     Adesso el me fa,
     Che vedo contento
     44El nembo sfantà.