Pasqua

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  To morosa Edission e fonte ▼ La crosse  →
[p. 78 modifica]
PASQUA


L’è la più bela festa che ghe sia,
     La Pasqua: la ne porta Primavera
     E la ne mete intorno un’alegria,
     Che a un mio1 distante, se ne lese in siera

Ogni casa l’à fatto pulissia:
     Gh’è lustri i rami, i veri e lustro in tera;
     Emo sercado de cassarlo via
     Un roseghin dal nostro cor, se ’l gh'era.

Par podèrse sentar a tola chieti,2
     Davanti a un bel piaton de paparele,
     Coronà da ’na fila de paneti....

E al ciaro de un bel fiasco de quel... bon,
     Co’l manzo, el rosto e quatro brassadele...3
     Butar tuti i pensieri in t’un canton!



Note
  1. mio ― miglio;
  2. chieti ― tranquilli.
  3. brassadele ― ciambelle;
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pasqua&oldid=71619"