Pagina:Trieste vernacola.djvu/84

Pensar da quanti secoli
Quel campanil xe là,
Pensar che in quela ciesa
Me son inamorà!¹

     A Roma i ga San Piero,
     Venezia ga el leon,
     Per noi ghe xe San Giusto
     E el vecio suo melon.

Scòltime,² bionda; el mondo
Te pol assai girar;
Cità come Trieste
Te stentarà a trovar.

Xe vero, tuto 'l giorno
Se sgoba in tel lavor;
Epur no se xe bestie,
Se ga qualcossa in cor.

     A Roma i ga San Piero,
     Venezia ga el leon.
     Per noi ghe xe San Giusto,
     E el vecio suo melon.

E quando vien la festa,
Lassemo ogni secada,³
A Servola e a Proseco⁴
Se fa la baracada.⁵

1. in quela ciesa me son inamorà, anche il popolano del nostro poeta segue la teoria del Guerrazzi: che gli Italiani si innamorano in chiesa
2. scòltime, ascoltami
3. lassèmo ogni secada, lasciamo ogni seccatura, ogni briga
4. Sèrvola e Prosecco, sono ville suburbane di Trieste, ove si fanno le scampagnate per bere il buon vino
5. la baracada, la gozzoviglia.