* * *
― Toni! vien qua, Tonin! ― Ciò i te domanda.
Una dona te zerca! ― Una morosa! ―
E lu, imbriago, col capel in banda,1
Fora da quela tana stomigosa,2
El ghe va incontro, e 'l fa: ― Ma chi te manda
Bruta cagna de dio, bruta smorfiosa?!
― Ah la pazienza mia. Toni, xe granda,
Ma no posso resister, son furiosa!
Xe ogni note sta vita... Mi son stufa.
Stufa de ti, del mondo, del destin
Che me ga fato nasser disgraziada! ―
― Baba!3 te vol star zita? ― E i fa barufa;
E zo piade e sberle! E zo un papin!4
E la gente se ingruma su la strada.5
- ↑ capel in banda, cappello sulle ventitrè
- ↑ stomigosa, stomachevole
- ↑ Baba!, donna, moglie. Qui in dialetto piuttosto dispregiativo, con la rozzezza degli ubbriachi
- ↑ piade, calci, papin, scapellotto. Il dialetto triestino ha una singolare ricchezza di vocaboli per indicare le varie forme di percosse, di schiaffi, pugni ecc. s'ciafo, sberla, scopeloto, papin, pugno, gropo, susin, rognolada, capelada... ed altri ancora.
- ↑ se ingruma, si raccoglie.
