* * *
― Oè! no ve vergognè, bruto viliaco,
Bastonar vostra molie in sta magnera?
Finìla, bestia! che ve daga un fraco1
De ricordarlo fin doman de sera.
― Òla! che nova là? No, sior macaco,
Se mio marì con mi 'l vol far la guera,
El pol anca pestarme soto 'l taco,
Anca coparme a colpi de manèra,2
No voio che nissun ghe daghi adosso,
Che nissun me lo trati de viliaco,
No go bisogno dei scartozzi.3 Posso
Anca vèderme in fera distirada,
Tajada a fete... E lei, corpo de Baco,
El fili drito via per la sua strada!
