Pagina:Trieste vernacola.djvu/70

* * *

E la va avanti ancora. Un'altra porta...
E la se ferma: forsi qua... No... gnanca.
Quante osterie! Madona! E straca morta
La marcia ancora sula strada bianca.

Gesù santo! Maria! Tuto ne manca;
Ma lu no 'l vol lassar la vita storta:
No 'l pensa gnente: Me ne son acorta!
E no 'l xe gnanca qua... Voltèmo a zanca!¹

Qua se senti cantar! Tuti inbalai!²
La su vose! El xe lu! Savevo ben!
Fora de casa i bezzi³ el sa trovar

Per andar nele bètole a fraiar,⁴
A bever quel vinàz⁵ che xe velen...
E sta vitazza no 'l finissi mai! —

1. a zanca, a sinistra
2. tuti inbalai!, tutti ubbriachi
3. i bezzi, i quattrini
4. fraiar, gozzovigliare
5. vinàz, vinaccio (Caratteristica è nel dialetto triestino più plebeo la desinenza del peggiorativo tronco, in àz: vinàz, ontàz, mulàz, giornalàz, per dire vinaccio, omaccio, monellaccio, giornalaccio, ecc).