Pagina:Trieste vernacola.djvu/50

Da Wikisource
Sta pagina la xe stà trascrita e rileta.
EL PARLATOR STENTÀ.


Natura m'à ficà soto el palato
Un muscolo che stento articolar,
E se vojo mandarve a far squartar
4Devo meterme in man d'un avocato:

Sie mesi1 prima dunque de parlar
In ton de consilier e deputato,
Devo adatarme a far el garzonato
8Co i sassi in boca predicando al mar.

E no ga miga torto quei signori
Che dandome un'ociada de pietà
11Mormora sotovose fra de lori:

Se vedi a muso che no 'l xe un macaco,2
Anzi el xe un pozzo de talento; ma
14Ghe vol un'ora a tirar su el stagnaco!3


Dialetto triestino.

  1. Sie mesi, sei mesi.
  2. macaco, sciocco, stupido.
  3. stagnaco, secchia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/50&oldid=56346"