Pagina:Trieste vernacola.djvu/49

EL SPENDACION.

Sparagnar!¹ E per chi? Mo cara ela
No la me vegna fora co ste fote:²
Ficarò nel pagion le banconote³
4Per farghe tuto el dì la sentinela?

Sparagnar! Questa sì che la xe bela!
Ve capita la schizza⁴ e bona note:
Che le braghe⁵ sia nove o le sia rote,
8Vogia o no vogia za vignimo a quela.

E po: gala mai visto el funeral
D'un milioner da tuti maledio?
11Gran festa in piazza e catafalco in domo;

Invece per chi mor a l'ospeal:
Un zoto⁶ avanti e quatro babe⁷ drio:
14Xe più de quelo che ghe basta a un omo.

Dialetto istriano.

1. Sparagnar, risparmiare.
2. fote, baie, corbellerie.
3. Ficarò nel pagion le banconote, caccerò le banconote nel pagliericcio.
4. la schizza, la morte.
5. le braghe, i calzoni.
6. zoto, zoppo.
7. babe, donnicciuole.