EL SISTEMATICO.
Dignitoso, pulito, compassà
E delicato come una doneta,
No vogio roba che no sia perfeta
4E conto quanti risi go magnà.
Vado in ufizio co la mia fiacheta;
Fin l'ultimo minuto resto là;
Come un specio xe lustro el mio mezà,[1]
8E senza pieghe xe la mia giacheta.
Co fazzo el mio zireto a l'Aquedoto,
Scometaria che un bovolo[2] me ciapa;
11Se vado in biraria, me porto el goto.[3]
Son prudente, pacifico, bigoto;
Ma preferisso el fulmine del papa
14A una macia de seo[4] sora el capoto.
Dialetto istriano.
