Pagina:Trieste vernacola.djvu/134

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.
LE DUE CUGINE.


I.


Xe note. Strade scure. Imbacucada
Nela «sortie de bal» de pano bianco,
Cola sua vecia mama sempre a fianco,
Carmela torna da una gran balada.

La bala sempre tanto! Cortegiada
Per l'eleganza e per el moto franco.
Ma cossa importa? Nel viseto stanco
Se pol leger la noia sconsolada:

Cossa servi vestirse? andar fra gente?
Za tuto passa e tuto se someia1
E lassa un fredo in cor pezo che gnente.

La pensa inveze a sua cugina Lidia,
Che ga un marì, una casa, una fameia...
E dal fondo del cor ghe vien l'invidia.

  1. tuto se someia, tutto si assomiglia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Trieste_vernacola.djvu/134&oldid=65903"