LA BALA DEL LUNI
Gh'è la tor42 che rebate mesanote,
E in quel vicolo nero, streto, streto,
Dove no passa un can, i è tuti in leto
A far dormir la fame o le balote.43
'Na pora dona la urla da le bòte
Che ghe mola el marì, a l’orba, in leto;
Ci salta a la finestra a far bäeto,44
E ci volta galòn45 e bona note.
Sta storia va de longo un’ora bona;
Le donete le taca a sentensiar,
Ci maledisse l’omo e ci la dona
Ma questa, come quatro e quatro fa oto,
Doman, sicuro, la sentì a scusar
Quel fior de ometo, e dar la colpa al goto!46
—
