VENARDI GNOCOLAR
In alto slusa36 un sol da primavera
Squasi anca lu el fasesse carneval;
La gente l’è in boresso37 e, al mancomal,
Tra i spassi e ’l ciasso i vol che vegna sera.
In piassa Bra gh’è i cari38 e i mostri i spera
De ciapàr de i confeti o un portogal,39
Che buta via quei mati al bacanal;
E i core in sambra40 che no ghe par vera.
Poareti e siori in meso a quela calca
Se missia insieme, i parla, i ride, i ciassa,
E par guardar i sburta41 e i se scavalca.
Da i siori, intanto, frise le padele;
Ma quanti i trova in casa, a farla grassa,
Polenta brustolada e do sardele!
