UN COR D’ORO
La g'à tuti i difeti de natura,
L’è picola, l’è goba, l’è sgarlona;40
L’è un spegasso,41 un oror, sta pora dona,
Da metar compassion a diritura!
Sensa nissun dal cor che se ne cura
No gh’è a sto mondo la più gran sgobona:
A far de tuto quanto la vien bona
E la se strussia42 fora de misura.
Ma sta dona che campa de sudori
La s'à tirado in casa du fioleti43
Lassadi44 in abandon da i genitori!
Quando ò savù45 sta cosa e un giorno, in strada,
L’ò vista a caressar46 quei puteleti....
Cosa volìo, mi l’avarìa basada!47
