ORASSION DE UNA MAMA
Oh, scoltè, cara Madona,
Sta poarina1 inzenocià;2
No gh’è al mondo un’altra dona
Come mi più disgrassià!3
Aiutè, guarì me fiola,
Sto tesoro, sto me amor;
Mi no g'ò che ela sola,
Ela sola del me cor!
Ve farò de le novene,
Çercarò de digiunar;
Ma levème da ste pene
Ma volime consolar.
Tanto bona, tanto bela,
Tanto cara come l’è,
La me more sta putéla
Se la grassia no me fe!
Vu che tanto avì patido
Lontaneme sto dolor;
Mi ve prego, in Vu confido,
Cara mama del Signor!
