FREDO E MISERIA
(Andando a scola)
Eco l’inverno: con sto fredo can,
Con la neve, la nebia, el vento, el giasso,55
E con le strade piene de paltan,56
Quanta miseria che se vede a spasso!
I puteleti, arfiandose57 in le man,
Co i libri che i ghe intriga58 soto el brasso,
E pieni de buganse59 — a pian a pian —
I va via ingrotolidi60 e senza ciasso.
Ma se a quei ben tapadi61 a colassion62
Ghe vien la dona con ’na bona çesta,
Anca i pitochi i g'à la refession.63
Pore creature dal museto64 tristo,
Mancomal che qualcosa ancora resta
Del socialismo predicà da Cristo!
