Justum, et tenacem propositi virum
Non civium ardor prava jubentium.
Orazio per boca de Giunon fà intender ai Romani, che per nissun motivo no ghe saltasse in testa de trasportar la sede de l'Imperio in Troja.
Un'omo, ma costante,
Ch'el ben da sèno e 'l zusto se propòne,
3Nol cambia el so' pensier, ma in quelo el resta;
E se l'ardito popolo ignorante
Lo incita al mal, lù gnente se scompòne,
6Nè i tiràni ghe fa zirar la testa,
E, manco, l'Ostro fièro o Giove istesso
Co tute le saète.
9Nè certo, el lo desmète
Per quanto ch'el se trova compromesso,
E se, per fin, cascasse el Cielo in tèra,
12El resta soto, ma nol mùa de ciera.
Questa xè stà la strada,
Che un dì à batù Polùce, e 'l fio d'Alcmèna,
15E che svolar li à fati sùso in cielo;
Per questa istessa, à convegnù che vada
El gran Augusto, che da Nume a cena
18El nètare in ancùo se beve anch'èlo;
