Pagina:Serie degli scritti impressi in dialetto veneziano.djvu/259

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


    16E stèmo alegri col goto in man.

Ma, se ò da bever tuta la quòta
    De quel stupendo brusco Falerno,
    Vogio cavarme subito in bota
    20Una permessa curiosità:

Che, de Megila, là, so' fradèlo
    Me diga, franco, per chi el xè còto;
    S'el sò amorèto sia bon e bèlo,
    24Se posso dirghe: ti è fortunà.

Come! ti tasi? no ti respondi?
    Anca mi, donca, meto zò el goto,
    Che, se 'l mio gusto no ti secondi,
    28Gnanca mi certo no bevo vin;

Via,... po', da bravo,... dìmela sùso
    (No le xè cosse, zà, vergnognose)
    Mi te conosso, sò che ti è uso
    32De amar da sèno, de vero cuor;

Fàmela nota, sia chi la sia,
    Dimela in rèchia, che nessun senta,
    E stà sicuro, che in fede mia
    36El to' segreto custodirò.

Povero puto!... Chi m'àstu dito?
    Quanto de megio ti meritavi!
    In che farzòra ti xè desfrito!
    40Da che Carìdi1 ti è devorà!

Chi? da le sgrinfe mai de culìa,
    Che striga, o maga pol liberarte
    No sò, se gnanca ghe riussirìa
    44Chi la Chimèra2 gà sofegà.

  1. Sila, e Caridi, do' scogi notissimi, che devorava i poveri naveganti co' i ghe andava soto, ecc. ecc.
  2. La Chimèra, mostro orendo, in parte lion, in parte cavra e serpente, che xè stà vinto da Belerofonte, col mezzo e co l'agiuto del Caval Pegaso, che gà imprestà Netuno aciò ch'el la possa superar e vincer più facilmente.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Serie_degli_scritti_impressi_in_dialetto_veneziano.djvu/259&oldid=65230"