Tira fora la scurièta,
E in quel modo che ti credi,
A la Cloe, co' ti la vedi,
40Quatro bòte daghe zò;
Aciò che quela ostinàda,
Tanto dura e insuperbìa,
La podesse (andèmo, via)
44Più ladina deventar."
Ode XV. Libro III.
Uxor pauperis Ibyci,
Tandem nequitiae pone modum tuae.
Ode dirèta a Clori, vechiàzza baròna che vol far da putèla; consegiandola a ritirarse dal mondo e a metarla via.
Mugier cara de Sior Ibico,
(De quel povero bertoldo
Squasi sempre senza un soldo,
4Che no parla, e lassa far.)
Via desmèti, e daghe un tèrmine
Ai to' infami fufignèzzi,
E a quei sporchi putanèzzi,
8Che à dà tanto da parlar.
Pensa, in vece, al cimitèrïo,
E a le tante to' schinèle,
Nè andar più fra le putèle,
12Cussì vechia, a sbordelar;
Perchè, là, co' ti ghe càpiti,
