Pagina:Serie degli scritti impressi in dialetto veneziano.djvu/233

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



E i boni famègi (che xè per ste case
Un corpo de zente che porta gran' utili)
Contenti e giulìvi, sentirli, là, in pase,
100Contando le fiabe, atorno el fogher!

Un certo usuràro, sior Alfio famòso,
Sentindo sti beni, sti quadri piacèvoli,
Pareva ch'el fùsse fin quasi smaniòso
104D'andar in campagna per farse un vilan;

Ma, in vece, sto avaro, mai sàzio e contento,
El chiàpa i so' libri, el scode i so' crediti,
E ai primi del mese, al vinti per cento
108El torna a dar soldi a chi ghe ne vol.


Ode XII. Libro IV.

Jam Veris comites, quae mare temperant
Impellunt animae linthea Thraciae.


Orazio invida el so' caro amigo Vergilio a bever un goto del famoso vin de Calvi, a condizion ch'el porta anca lù un vasèto de balsamo de nardo ecc.

La primavèra xè capitada
Co i ventesèli, co i zefireti
Che i bastimenti spenze via drèti,
4E più tranquilo fà star el mar;

Tute xè nète le pradarìe
Da quele bròze che le giazzàva,
Nè i fiumi rùza come i ruzàva
8Per la gran neve, che no ghè più.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Serie_degli_scritti_impressi_in_dialetto_veneziano.djvu/233&oldid=65211"